Ang Pagbabalik ng Kanaway sa Pugad
Sa Isla ng Talim, mga ibo'y nananahan Pugad itinayo sa pusod ng kagubatan Ayungi'y dinadagit sa tubig na may kalamigan Sa gitna ng hanging habagat o amihan Tatagpasin ang ulan, hangin at lamig Kanawa'y lilipad sa malapad na langit Bubulusok paibaba sa malamig na tubig Iimbulog paitaas, ayungin sa bibig nakapiit Pag isda'y nadagit kanaway muling lilipad Sa pusod ng kagubatan, pakpak ay mapapadpad Bitbit ang ayunging kanina'y dinalupadpad Tungo sa naghihintay na inakay sa pugad Saan mang dako ipanig ang paningin Tao man, o ibon rin Lalayo ang ama o inahin Ngunit babalik sa pugad, upang inaka'y pakainin Sa kabila ng lahat ng susuunging hirap Magulang o kanaway patuloy na magsisikap Di alintana mga balakid na makakaharap Maitaguyod ang anak, siyang tanging pinapangarap Clerissa Carritero-Austria Dec. 7, 2003 Isla ng Talim Note: This poem was first published in Manila East Watch Vol 3 Issue 19 Dec 15-21, 2003